कविता : हेराई

~अनु~

मलाई नहेर नहेर तिमी
मेरो हेराईमा बसिदिएमात्र हुन्छ
मलाई नचाहे नचाह तिमी
मेरो चाहाना बुझिदिएमात्र हुन्छ
मलाई नपर्खे नपर्ख तिमी
मेरो पर्खाई बुझिदिएमात्र हुन्छ ।

न मागेको छु मैले केही आजसम्म
न भनेको छु मैले केही आजसम्म
न माग्ने छु केही
न भन्ने छु केही
भावना मेरो बुझिदिएमात्र हुन्छ
मलाई नगरे माँया नगरतिमी
मेरो माँया सम्झिदिएमात्र हुन्छ ।।

(स्रोत : Dainikee.com)