गजल : भन्लान ‘दीपक’ बल्दैछ आज

~दीपक जडित~

भन्लान ‘दीपक’ बल्दैछ आज ।
नगद् भै हात्हातै चल्दैछ आज ।

मलिलो त्यो मनको खेतैभरी ,
फूल्दैछ ए ! अझ फल्दैछ आज ।

दाईने उसैको चन्द्रमा परे ,
दुई हातै लड्डु , मल्दैछ आज ।

कान्ती अन्वारको देख्नेहरुले ,
बुझ्लान त भित्र जल्दैछ आज ?

उधारो काढेर जिन्दगीसंग ,
अन्वारमा खुशी दल्दैछ आज ।

नौका चलाई भवसागरमा ,
आँधी र तुफान छल्दैछ आज ।

पैंसठ्ठी , दश जेठ भईसक्दा ,
आयुमा वर्षथप् ढल्दैछ आज ।

2008-06-15

(स्रोत : नेपाली गजल गुगल ग्रुप )