~कुमार कार्की~
अनुहारका राम्रा तिमी जाली भयौ देश भित्रै ।
मान र इमान बेचेर खाली भयौ देश भित्रै ।
मुर्ति बेच्यौ खुशी खोस्यौ स्वाभिमान बेच्यौ,
त्यसैले त जनताको गाली भयौ देश भित्रै ।
मानवताका स्वरहरु पैतालाले लत्याएर ,
सियो बनि पस्ने तिमी फाली भयौ देशभित्रै ।
सार्वभौम जनतालाई कुशासन लाद्न खोज्यौ,
त्यसैले त उपहासको ताली भयौ देशभित्रै ।
जनताको वालीमा साँढेहरु छोडी दियौ ,
त्यसैले कुसंस्कारको माली भयौ देशभित्रै
-दोहा कतार
March 13th, 2006
(स्रोत : HkNepal.com)
