~केशर थुलुङ~
चैतका दिनहरु झैं
फुङ्ग उडेका मनहरु पनि
यतिबेला, सङ्कल्पित छन्
उच्छ्वसित देखिन्छन्
सुनाखरी, लालुपाते र लालीगुराँस झैं
मनहरु मात्र होइनन्
सिङ्गो मेरो राष्ट्र/देश
एउटा परिवर्तनको
सुगम लक्ष्य बोकेर
सङ्खघोष गरिरहेछ
निदाउनु हुन्न
हात बाँधेर बस्नु हुन्न
अब जुमुराउनु पर्छ, भन्दै ।
बाजी हारुन् या जितुन्
मनहरु
टोल-टोलमा
गाउं-गाउंमा
शहर-शहरमा
अति व्यस्त देखिन्छन्
कटिबद्ध देखिन्छन्
उत्सर्ग देखिन्छन्
विजय जुलुसका निम्ति
साँच्चै
देश पनि
यो समयको सँघारमा
कम खुसी देखिन्न
एउटा छुट्टै राष्ट्रको
अभिराम पहिचान पाउने
दृढसङ्कल्पमा ।
पाथेका-४, खोटाङ्ग
हालः काठमाडौं
(स्रोत : HkNepal.com)
