~गणेश ‘विषम’~
चिरबिर गर्छ गौँथली हाम्रै घर आँगनमा
फुरफुर गर्छ पुतली हाम्रै फूलबारीमा
हाम्रा राम्रा वनचरी बिहानी पो डाक है
आजभन्दा भोलि झन् अझ राम्रो पार है
के के भन्छौ पालुवा बोलेजस्तै गरेर
हाम्रै वन डाँडामा तिमीहरू झुलेर
हामी त बालक साना छौँ सबै राम्रो देख्दछौँ
बारीकै फूल टिपेर बिहानीलाई पुज्दछौँ
हिमालका चुलीमा सूर्यका ज्योति छरिए
पहेँलपुर भुइँमा हिमाली पाखा चम्किए
धोबिनी चरी बसेर फूलबारीमा गाउँछे
विकासको बिहानी सूर्यसँगै आउँछे
साभार: महेन्द्र माला कक्षा ३
