गीत : हाँगा हाँगा वनभरि चैत फुलेछ

~हरीभक्त कटुवाल~

हाँगा हाँगा वनभरि चैत फुलेछ

थाहा नपाई मनभित्र बैंस फुलेछ ।

कता कता कसैलाई भेटे भेटे झैँ

सङ्लो पानी पिई तिर्खा मेटे मेटे झैँ

कोहो कोहो दुई आँखामा आई डुलेछ

थाहा नपाई मनभित्र प्रीत फुलेछ ।

एक जोडी आँखा सधैं हाँसुँ हाँसुँ झैँ

एउटा माला फूल टिपी गाँसुँ गाँसुँ झैँ

कसो कसो बिहानीको नींद खुलेछ

थाहा नपाई मनभित्र प्रीत फुलेछ ॥

शब्द : हरीभक्त कटुवाल
स्वर : अरुणा लामा