~बूँद राना~
घमण्डमा थपीथपी मात परेपछि
स्याल–ब्वाँसा रमाउँछन् रात परेपछि।
मनिस त मनिस नै भयो बोल्छ–बोल्छ
ढुङ्गा धरि बोल्न थाल्छ घात परेपछि।
धोकाधडी, जालझेल हुनैपर्ने हुन्छ
सफरमा शकुनीको साथ परेपछि।
हत्केलाले सुम्सुम्याई किन सोझो हुन्थ्यो?
बाङ्गो लिङ्गो सोझो हुन्छ लात परेपछि।
बात बासी, भात बासी गन्हाउने नै भयो
फूल पनि गन्हाउँछ खात परेपछि।
निकै साह्रो–गाह्रो गरी मौका आउने हो
चौका हानिहाल्नू बूँद, हात परेपछि।
(श्रोत:- अन्तर्जाल)
