गजल : उनी पनि सल्लाहमा

~बूँद राना~

उनी पनि सल्लाहमा आए राम्रो हुन्थ्यो
मालसिरी भाखासँगै गाए राम्रो हुन्थ्यो।

सुनचाँदीले छाएर  घर  दामी  हुन्न
घरको छानो इज्जतले छाए राम्रो हुन्थ्यो।

सागरको पिँधसम्म बँूद पुगेकै छ
सागर नि ‘बूँद’सम्म धाए राम्रो हुन्थ्यो।

बातैपिच्छे  झूठो कसम  खाने ढटुवाले
कैले कसो हण्डर, ठक्कर खाए राम्रो हुन्थ्यो।

चूप लागी नियतिको चोट सहनेले
‘खबर्दार’ भनी मुख बाए राम्रो हुन्थ्यो।

(श्रोत:- अन्तर्जाल)