~तुलसी घिमिरे ~
हुँदैन रेलिमाई चट्ट बिपना
हुँदैन रेलिमाई माया बिर्सन
केटा :
पिरतीको मिठो तिर्सना
सकिँदैन चट्ट मेटिन
हो पहिलो बसन्तको नयाँ कोपिला
मन लाग्यो टप्प टिपन ।
केटी :
पिरतीको मिठो तिर्सना
सकिँदैन चट्ट मेटिन
हो पहिलो बसन्तको नयाँ कोपिला
हुँदैन है टप्प टिपन ।
हुँदैन रेलिमाई चट्ट बिपना
हुँदैन रेलिमाई माया बिर्सन
केटा :
टिप्नै पर्छ सुन्दर फूल
नटिपे है ओईली झर्छ
केटी :
टिपेर के होला
बतासैमा उडी जाला
हो पहिलो बसन्तको नयाँ कोपिला
हुँदैन है टप्प टिपन ।
पिरतीको मिठो तिर्सना…..
केटी :
आयो कोही केलाई खेलमा
मन बस्यो अन्जानैमा
दुई दिनमा आफ्नो भयो
सँगै बस्ने कसम दियो
नचिनेको मान्छेलाई मन दिन नहुने
गाउँ घर चट्ट बिर्सन ।
पिरतीको मिठो तिर्सना…..
हुँदैन रेलिमाई चट्ट बिपना
हुँदैन रेलिमाई माया बिर्सन
केटा :
त्यस्तै होला माया भन्ने
मिठो मिठो काँडा बिझ्ने
भनु भने कसरी भनुँ
कती गाँठो बाँधी राखुँ
पहिलो मायाको नयाँ ढुकढुकी
सकिँदैन चट्ट बिर्सन ।
पिरतीको मिठो तिर्सना…..
हुँदैन रेलिमाई चट्ट बिपना
हुँदैन रेलिमाई माया बिर्सन ।
शब्द : तुलसी घिमिरे
स्वर – इन्द्रजित मिजार र भारती घिमिरे
संगीत : रन्जित गजमेर
चलचित्र : देवता(1994)
