गजल : रहर कहाँ छ

~अजित क्षेत्री~

आँसु पोखेर मोती उमार्ने रहर कहाँ छ
भन्देऊ त स्वार्थी नभेटिने शहर कहाँ छ ।

भाग्छन् मान्छेहरु जून टिपुँला जस्तै गरी
मान्छेले चाहे जस्तै हुने तर प्रहर कहाँ छ ।

हाम्ले दारु पिउनु हुन्न भन्ने सज्जन हिँजो
उसैले भन्यो आज पिउँछु जहर कहाँ छ ।

सिसाले सिसा र दिलले दिल तोड्छ भने
फूलले फूल काट्दैन भन्ने ठहर कहाँ छ ।

तिम्रो अबिश्वासमा झुन्डिएर बाँच्नु भन्दा
फाल हालेरै ज्यान फाल्छु नहर कहाँ छ ।

स्याङ्जा
हाल-आबुधावी

(स्रोत : रचनाकार स्वयंले ‘Kritisangraha@gmail.com‘ मा पठाईएको । )

  • 37
  •  
  •  
  •  
  •  
  •  
  •  
  •  
  •  
  •  
  •  
    37
    Shares
विधा : गजल | . यस रचनालाई बूकमार्क गर्नुहोस् ।

Leave a Reply

Your email address will not be published. Required fields are marked *