व्यङ्ग्य कविता : आलु, प्याज र सरकार

~एम सि सुमित~

बिहान आलु र प्याज
बेलुका प्याज र आलु
रैथाने भोकको लागि
बहुराष्ट्रिय कम्पनिको स्वाद
जस्तो कि,
नेपाल सरकार ।

खै उनिहरूलाई नै थाहा होला
प्रभु भन्छन्
कुन स्वर्गबाट कस्तो कार्ड आउँछ
त्यसपछी
राष्ट्रको गौरब
जनताको आसा
संघर्षको आवाज
र सहिदको सपना
सबै दाउमा राखेर
हाम्रा सुपर ग्रेटम्यानहरू
आलु
वा प्याजको भाउमा बिक्छ ।
.

लगभग बर्ष नपुगी
तीज आउँछ
दर खान
माइती आए जस्तो
जब सत्तामा आगमन हुन्छ उनको
तब उसलाई
आफ्नो आयुको मात्र सुर्ता हुन्छ
आयु लम्ब्याउन
थप्छ माफियातन्त्रलाई मल
र दिन्छ तस्करतन्त्रलाई तक्मा
कर्ण शाक्यहरूको शोच
वा महाबिर पुनहरूको श्रममा
आफ्नो दिर्घायुको योजना देख्दैनन्
बरु देख्छन्
कथित गूगल ब्यायहरूको
प्रायोजित भ्रममा आफ्नो भविष्य
किनभने
पशुपतीनाथले कल्याण नगर्ने यो देशमा
भट्टरूको कल्याणले सरकार टिक्छ ।

(स्रोत : एबिसिखबर डट कम)

  • 2
  •  
  •  
  •  
  •  
  •  
  •  
  •  
  •  
  •  
  •  
    2
    Shares
विधा : कविता, हास्य - व्यङ्ग्य | , . यस रचनालाई बूकमार्क गर्नुहोस् ।

Leave a Reply

Your email address will not be published. Required fields are marked *