कविता : हुने भएको छ !

~श्यामदास वैष्णव~shyamdas baisrva

जसले जे गरे पनि अहिले
‘हुने’ भएको छ ।

‘गाई’लाई ‘गदाह’
र, ‘गदाह’लाई ‘पदाह’ माने पनि
फरक नपर्ने भएको छ ।

रातलाई ‘दिन’ र
दिनलाई ‘अलच्छिन’
ठाने पनि मिल्ने भएको छ ।

मूल्यांकनको दृष्टिकोणै
‘अदल’-‘बदल’ भइरहेका बेला
नेतालाई बिक्रेता र
बिक्रेतालाई ‘प्रयोक्ता’
ठाने पनि हुने भएको छ ।

पहिलेको धारणा भत्काई
परिवर्तनले –
‘नयाँ व्यवस्था’ बसाल्न खोजेको छ ।

यस उद्देश्यपूर्तिका लागि
‘लुट्नेलाई’-‘छुट्ने’ र
नजुट्नेलाई ‘पिट्ने’
गरे पनि सुहाउने भएको छ ।

‘क्रान्ति’ भन्नु परिवर्तन न हो !
‘शान्तिलाई’ भ्रान्ति र ‘भ्रान्तिलाई’ ‘संक्रान्ति’
माने पनि कोही नबोल्ने भएको छ ।

This entry was posted in कविता and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.