गजल : पुकार्छ

~कृष्ण वस्ती~Krishna Wasti_1

असारको बादलले पुकार्छ ।
तिहारको मादलले पुकार्छ ।।
पाकेर राताम्पुर बोटमाथि ।
वसन्तको काफलले पुकार्छ ।।

उठी सखारै धरती नुहाई ।
लाली चढेको नभमा सुहाई ।।
“फर्केर आऊ परदेशबाट ।”
हिमालको आँचलले पुकार्छ ।।

उसै-उसै यो घर शून्य लाग्छ ।
सँगै भए यो घर धन्य लाग्छ ।।
भन्दी प्रियाको नयनानुरागी ।
अजम्बरी गाजलले पुकार्छ ।।

(स्रोत : रचनाकारको फेसबुकबाट सभार)

  • 4
  •  
  •  
  •  
  •  
  •  
  •  
  •  
  •  
  •  
  •  
    4
    Shares
विधा : गजल | . यस रचनालाई बूकमार्क गर्नुहोस् ।

Leave a Reply

Your email address will not be published. Required fields are marked *