गजल : तिमी मेरी को हौ काली ?

~शेखर ‘अस्तित्व’~

किन यति मन पराउँछु, तिमी मेरी को हौ काली ?
किन स्वप्नमा बोलाउँछु, तिमी मेरी को हौ काली ?

यति ठूलो संसार छ, किन मैले रूचाउँदिन !
किन तिमीमा हराउँछु, तिमी मेरी को हौ काली ?

जम्मै चिन्ता बिर्सिएर, तिम्रो हातको सिरानीमा,
किन बेफिक्री निदाउँछु, तिमी मेरी को हौ काली ?

एकान्तमा आँखा चिम्ली, तिम्रो न्यानो अङ्गालोमा,
यो मनको भारी बिसाउँछु तिमी मेरी को हौ काली ?

टाढा हुँदा पनि मेरो, जिन्दगीको हरेक पल !
तिम्रो यादमानै बिताउँछु, तिमी मेरी को हौ काली ?

तिम्रै कल्पनामा किन, डुबी रहन्छु म संधै ?
तिम्लाई आफूभित्रै पाउँछु तिमी मेरी को हौ काली ?

‘अस्तित्व’ले तिम्रै काखमा अन्तिम स्वाँस फेर्न पाओस् !
किन यस्तै बर्बराउँछु, तिमी मेरी को हौ काली ?

बुटवल–६
हाल : मुम्बई,

  •  
  •  
  •  
  •  
  •  
  •  
  •  
  •  
  •  
  •  
  •  
This entry was posted in गजल and tagged . Bookmark the permalink.

Leave a Reply

Your email address will not be published. Required fields are marked *