कविता : कस्तो झमेला ब्यहोर्न पर्‍यो

~दीपक कुमार ज्ञवाली~Deepak Kumar Gyawali

किन बल्दैन दीयो
चम्कोस् जगत्मा भन्दै
तेल हालेकै थियौं
धोखेवाज रहेछ धागो
सारा तेल सोशी लीयो
माटोको थिएन पाला
त्यसलाई के दोष दीऊँ
बत्ती कातेका थियौं
शुद्ध कपास भन्दै
होईन स्वदेशको उत्पादन
कपास आयातित थियो
तेल स्वदेशको होईन
त्यो विदेशी थियो
पाला नेपाली शिपको
बबुराको के दोष थियो
बिश्वाश भएन तेलकपासको
धोका हामीलाई भयो
हाम्रैपालामा बसी
त्यसैलाई दबाउँदै गयो
ज्ञात भयो अहिले
रहेछ तेल कपास एउटै
कहीले बल्ने दीयो
सधै अन्धकारमा बस्नु पर्‍यो
पुस्तौं पुस्ता ले
कस्तो झमेला ब्यहोर्न पर्‍यो ।

दीपक कुमार ज्ञवाली
बुटवल ६ आदर्शनगर रुपन्देही

(स्रोत : रचनाकार स्वयंले ‘Kritisangraha@gmail.com‘ मा पठाईएको । )

  •  
  •  
  •  
  •  
  •  
  •  
  •  
  •  
  •  
  •  
  •  
विधा : कविता | . यस रचनालाई बूकमार्क गर्नुहोस् ।

Leave a Reply

Your email address will not be published. Required fields are marked *