व्यङ्ग्य कविता : सभासद् कि साढे सात ?

~हिरालाल आचार्य ‘अनारबाजे’~

उज्यालोको आश थियो ल्यायौ कालो रात
सभासद् हौ कि तिमी हौ कि साढे सात ।

जुवाजस्तै राखिदियौ देश आज दाउमा
नदीबीच हेलिदियौ माझी छैन नाउमा ।

कोही बने रावण आज कोही बने कंस
मधेस पहाड फुटाएर लगाउँदैछन् अंश ।

पठाएका थियौ भोट दिइ बजाइ ताली
आफ्नै बोली अशुद्ध भो गर्दा यिनलाई गाली ।

नारायणहिटीबाट हटे बाह्र पुस्ते राजा
छ सय एक बनी जन्मे बानेश्वरमा आज ।

चार वर्ष बित्न लाग्यो संविधान बन्दैन रे
कारण के हो जनतालाई कसैले नि भन्दैन रे ।

मन्थली, रामेछाप

This entry was posted in कविता, हास्य - व्यङ्ग्य and tagged , . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.