गीत : चरीले बोल्यो के बोल्यो

~बच्चु कैलाश~

चरीले बोल्यो के बोल्यो बुझ्ने को र ?
के बोल्यो बुझ्ने को र ?
भुरुभुरु उडी गइहाल्छ कतै तिर
गइहाल्छ कतैतिर ।

पहराको ढुङ्गामा बस्छ किन
छहराको गीतमा झुल्छ किन
कुन कुन देशमा घुमी फिरि
फेरि यहाँ आएर रुन्छ किन
यो कस्तो कथा हो
यो कस्तो ब्यथा हो
यो कस्तो अनौठो जीवन ।

उडिजाने पखेरु जान्छ कहाँ
यहाँ पर काँ छ र पुग्ने कहाँ
यति ठूलो आकाश वरिपरि
कुन नव संसार खोज्छ यहाँ
यो मिलन पो हो कि
बिछोड पो हो कि
या केही नहुनुको नशा ।

शब्द / स्वर / सङ्गीत : बच्चु कैलाश

This entry was posted in नेपाली गीत and tagged , , , . Bookmark the permalink.

Leave a Reply

Your email address will not be published. Required fields are marked *