मुक्तक : भुइँमान्छे पहिलोदेखि पाचौँसम्म

~राजेन्द्र थापा~Rajendra Thapa


जस्का नाममा नेपाली नोट छापिन्छ
जस्का नाममा चुनावी भोट छापिन्छ
भोको छ नाङ्गो छ, हो त्यै त हो नि भूँई मान्छे
जस्का नाममा विदेशी भिख मागिन्छ


लोकतन्त्र भन्दा खेरी लुगातन्त्र सुन्छ
संविधान भन्दा खेरी नयाँ धान बुझ्छ
गलित छ, दलित छ, हो त्यै त हो नि भूइँ मान्छे
जो जिन्दावाद भन्दा सिताभात ठान्छ


सामुहिक बलात्कार पछि रन्डी बनाइन्छ
बलात्कारी हसाँइन्छ, यिन्लाई रूवाइन्छ
थिचिन्छ, मिचिन्छ, हो त्यै त हो नि भूइँ मान्छे
वोक्सी भन्दै यिन्लाई गु खुवाइन्छ


यिन्लाई बालेर यिन्कै सडक जलाइन्छ
यिन्लाई ढालेर यिन्कै घर ढलाइन्छ
ढलाइन्छ गलाइन्छ हो त्यै त हो नि भूइँ मान्छे
जस्को नाममा जैले पनि सत्ता चलाइन्छ


जस्ले सास फेरेवापत भ्याट तिर्नु परेको छ
जस्ले आस गरे वापत वली क्यास तिर्नुपरेको छ
तिराइन्छ, पिराइन्छ हो त्यै त हो नि भूइँ मान्छे
जस्को नाममा अरू कसैलाई संस्थानको शेयर दिलाइन्छ

This entry was posted in मुक्तक and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.