कविता : इच्छुकको इमेल

~सङ्गीत श्रोता~

महेन्द्र पुलिस क्लब अगाडिको सडकमा
फेला परेको छ इच्छुकको इमेल

इमेल तिन बुँदे छ

पहिलो बुँदामा छ कमरेड प्रचण्डको नाम
र कोरिएको छ पहेंलो मसीमा

राष्ट्रपति भवन जस्तो लाग्ने अमूर्त रेखाचित्र

दोस्रो बुँदामा सम्बोधन गरिएको छ श्री चैतन्यलाई
र लेखिएको छ चिनियाँ लिपीमा
कमरेड एमबी सिंहको अर्ध भूमिगत ठेगाना

तेस्रो बुँदामा छ रातो प्रश्नवाचक चिन्ह
जहाँ कमरेड आहुतिलाई सोधिएको छ –
‘तपाईं हिंडेको बाटो
कविताको हो कि पर्मानेन्ट पोलिट्ब्युरोको ?’

सडकमा अलपत्र भेटिएको इमेल
म कसको जिम्मा दिऊँ दोस्त ?

(स्रोत : रचनाकारको ब्लगबाट सभार)

This entry was posted in कविता and tagged , , , , . Bookmark the permalink.

Leave a Reply

Your email address will not be published. Required fields are marked *