गीत : भनेँ बाबा हारीसकेँ

~योगेन पौडेल~

भनेँ बाबा हारीसकेँ, अझ कत्ति हराउँछौ,
मुटु जल्यो, खरानि भो, अझ कत्ति जलाउँछौ

भाग्यमाथी कालो बादल मडारियो धेरै पटक,
निरासाको दर्के झरी चुट्नु चुट्यो पटक-पटक
तीखो सियो मुट घोच्ने, अझ कति चलाउँछौ
मुटु जल्यो, खरानि भो, अझ कत्ति जलाउँछौ

बिहानीको पहिलो प्रहर प्रहारबाट शुरू हुन्छ
आफु भन्दा दुई कदम हार अघि-अघि हुन्छ
थाकेको छु जीवनदेखी, अझ कत्ति गलाँउछौ
मुटु जल्यो, खरानि भो, अझ कत्ति जलाउँछौ

(स्रोत : रचनाकारको ब्लगबाट सभार)

This entry was posted in नेपाली गीत and tagged , , , . Bookmark the permalink.

Leave a Reply

Your email address will not be published. Required fields are marked *