व्यङ्ग्य कविता : चक्करपथ को चक्कर

~लक्ष्मण नेवटिया~

जनता करायो
नेताजी भोट लिने बेला
हाम्रो घरको लगाउनु भयो,
चक्कर माथि चक्कर
चक्कर माथी चक्कर
अब फेरि यस्तो के भयो दुष्कर?
तपाईंलाई चुनाव जिताएर पठाएदेखी त
झन लागिराखेको छ
चक्रपथ निर्माणमा शनिश्चर,
नेताले भन्यो अरु केहि होइन
तपाईंहरु कहाँ लगाएको चक्करको
हिसाब किताब लाउन गर्दैछु तरखर
राजनीतिमा नेता र जनताको
यस्तै चलिरहन्छ टक्कर ।
पहिले भोटका लागी मलाई
टंटलापुर घाममा तपाईं कहाँ
लगाउनु पर्यो चक्कर माथी चक्कर
अब तपाईंहरु लगाइ राख्नुस म कहाँ
चक्कर माथी चक्कर बनेर घनचक्कर ।
नाउँ नै चक्करपथ- लगाई राख्नुस् चक्कर।

-लक्ष्मण नेवटिया, बिराटनगर-१२

(स्रोत : रचनाकारको फेसबुकबाट सभार)

This entry was posted in कविता, हास्य - व्यङ्ग्य and tagged , , , , , . Bookmark the permalink.

Leave a Reply

Your email address will not be published. Required fields are marked *