कविता : हरिया झिंगाहरु

~निश्चल काउचा~Nischal Kaucha

सुन्दर शान्त नेपाल
कुनै दिन थियो होला
आजकल
सधैंको कचिंगल
हरिया झिंगाहरुको
बेमौसमी समागम
छुट्टाउन गार्हो भो
ईस्त्रिलिंग की पुलिंग

कर्णालीका जनताका भोका पेट
पेट भरी खाने सपना
काठमान्डौ खाल्डोमा पानीको हाहाकार
मेलम्चीको पानीले प्यास मेटाउने सपना
खोई कैले पूरा होला?

राष्ट्रियताको नारा लगाउनेहरु
स्वाधिनता
माना
पाथी
भर्दै
बेचीरहेछन
रजौटाहरुको नमिठो डकार

हरिया झिंगाहरु
तिमीहरुको कर्म कुण्डली
लेखीदिने जनता नै हुन
जनताको भावनालाई
अनादर गर्दै
खेलवाद गर्दै छौ

शुली चदन तयार हौ
अब मेरो देश बुद्धको देश हुँदैछ
जहाँ कातमार हुने छैन
जहाँ सिनो पाइने छैन

-निश्चल काउचा
चौराह – १ – बाग्लुङ

(स्रोत : रचनाकारको फेसबुकबाट सभार)

This entry was posted in कविता and tagged , , , , . Bookmark the permalink.

Leave a Reply

Your email address will not be published. Required fields are marked *