गीत : नछोई मलाई, छोएर गई

~सुमन पोखरेल~

ऊ मुस्काउँदै आई, र रोएर गई
नछोई मलाई, छोएर गई

ऊ बोलिरहेथी, म टोलाइरहेथेँ
म सुनिरहेथेँ, म हराइरहेथेँ
पोखिएका पीडा उठाएर गई
नछोई मलाई, छोएर गई

न बगेका आँशु, थापिदिन सक्थेँ
न बोझहरूलाई छाती दिन सक्थेँ
फेरि चोट बटुली, र लिएर गई
नछोई मलाई, छोएर गई

म बोलिरहेथेँ, ऊ हेरिरहेथी
ऊ हेरिरहेथी, ऊ मुस्काइरहेथी
एकछिन टोलाई, र उठेर गई
नछोई मलाई, छोएर गई

दुखेर गई, या मन धोएर गई
ऊ मुस्काउँदै आई, र रोएर गई

This entry was posted in नेपाली गीत and tagged , , , . Bookmark the permalink.

Leave a Reply

Your email address will not be published. Required fields are marked *