गजल : हाँस्दै हाँस्दै रोएको छु

~भेषराज रिजाल~

हाँस्दै हाँस्दै रोएको छु रुँदै रुँदै बसेको छु
मेरी जून तिमीलाई मुटुभित्रै कसेको छु ।

हिजो बादल मुनि थियौ मसँगै धर्ती रोयो
चाँदनीको संघार टेकी आज आकास पसेको छु ।

म धर्तीको तुच्छ धुलो श्रद्धाकी तिमी जून
शिरमाथि तिमी चम्क म त भैँमा खसेको छु ।

गाउँ माथि चौतारीको पिपल मुनि सधैँ आऊ
तिम्रा लागि जोगी बनी खरानी नै घसेको छु ।

अब फेरि औँसीका रातहरुमा नहराऊ
तिमी बिना मुटु भित्र मैले छुरा धसेको छु ।

हाँस्दै हाँस्दै रोएको छु रुँदै रुँदै बसेको छु
मेरी जून तिमीलाई मुटुभित्रै कसेको छु ।

(स्रोत : रचनाकार स्वयंले ‘Kritisangraha@gmail.com‘ मा पठाईएको । )

This entry was posted in गजल and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.