~कुन्दन काफ्ले~
चिन्ता रोगी हामी सबै कोशिस हाम्रो छानो ।
सफल हुन्छौं गरे प्रयास छैनौं हामी सानो ।
जीवन भोगाई छुट्टै हाम्रो कहानी छ लामो ।
मिलिजुली समस्याको गर्छौं छिनो–फानो ।
कोशीस हाम्रो छहारी हो, हामी यसका खम्बा ।
अभियान पूरा गर्ने हामी यसका थम्बा ।
साथी हामी कोही होचा, कोही अनि लम्बा ।
साधुवादको नारा हाम्रो, नहोस् कहिल्यै दंगा ।
असमर्थ छैनौं हामी कम्जोर पनि हैनौं ।
टेवा पाए अघि बढ्ने पछि हट्ने हैनौं ।
विश्वास गरे हिमाल पनि हामी चढ्न सक्छौ ।
भर परे देशका निम्ति हामी लड्न सक्छौं ।
विधायकले पीडा हाम्रो, के देखेका छन् त !
चिन्ता रोगको हकमा विधान के लेखेका छन् त ?
पागल भनी लाग्ने कलंक के हेरेका छन् त ?
बहुलाहको दर्जा हाम्रो, के फेरेका छन् त ?
००
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
