लघुकथा : फाँटेको नोट आफूलाई मिल्ने रहेछ

~अरुणबहादुर खत्री “नदी”~Arun Bahadur Khatri 'Nadi'

रामजीलाई आमाले बोलाएर पाँचसयको नोट दिदै भनिन् – “एक धार्नी आलु किनेर ल्याइज त छोरा ।”

रामजीले तरकारी पसलमा पुगेर एक धार्नी आलु जोखेर लियो र पसलेसँग पैसा कटाउनु त साहुजी भनेर पाँचसयको नोट दियो । साहुजीले एक धार्नी आलुको साठी रुपैया कटाएर चार सय चालिस रुपैया रामजीलाई फिर्ता दियो ।

रामजीले आलु बोकेर घरमा लगेर राख्यो । फिर्ता पैसा आमालाई दियो ।

आमाले पैसा फिर्ता गर्दै भनिन्,”यस्तो थोत्रो नोट म राख्दिन, तँ नै राख् ।”

रामजीलाई लाग्यो,”मनमनै अबदेखि मलाई आमाले बजारमा कुनै सामान किन्न पठाउनु भयो भने थोत्रो नोट पसलेले फिर्ता दियो भने राख्न पाउने रहेछु । थोत्रो नोट मात्रै फिर्ता पाउँदा कति रमाइलो हुन्थ्यो !”

– सामाखुसी मार्ग, ९३५/५४,
काठमाडौं (नेपाल)

This entry was posted in लघुकथा and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.