गजल : वसन्तको संसार तिमीलाई

~सावित्री सिलवाल सापकोटा~

फूलै फूल वसन्तको संसार तिमीलाई ।
नौलाख जूनताराको उपहार तिमीलाई ।।

म गरीब भिखारी के नै पो दिन सक्छु र ?
झरझर गर्ने झरनाको झंकार तिमीलाई।।

प्रकृतीका छटा अनि नदीका तरल तरंग ।
ईन्द्रेणीका सातै रंगको निखार तिमीलाई ।।

क्षितिज पारी गोधुलीमा हामी हराएको पल ।
त्यही सुन्दर पलको यादगार तिमीलाई ।।

नौरंगी डाँफे मुनाल र कोईलीको कुहुँ कुहुँ ।
सारा खुशी अनि अमीट प्यार तिमीलाई ।।

सावित्री सिलवाल “सावी”
पोखरा– १४, कासकी ।

(स्रोत : पल्लव साहित्य प्रतिष्ठान – पल्लव डट कम )

This entry was posted in गजल and tagged , , , . Bookmark the permalink.

Leave a Reply

Your email address will not be published. Required fields are marked *