~अकेला यात्री~
एकान्तमा एक्लै………
यो अँध्यारो रातमा उज्ज्यालो खोज्दै छु
अबेरतिर चल्ने हावाको स्पर्श
मेरो निधारमा आएर ठोक्कियो
र एक झरी बर्षात् बगेर गयो
स्तब्ध तालहरूमा गएर डुब्न मन लागेको छ ।
सुदुरबाट आएका कर्याङकुरुङ !
मलाई उडाएर लैजाऊ
शान्त नदीहरूलाई भन्न मन लागेको छ-
ए ! मलाई बगाएर त्यहाँसम्म पुर्याऊ
जतिजति चढ्दछु यो शिखरतिर
किन उतिउति भासिन्छ मेरो दिल ?
फर्केपछि अँगालिरहेछु छुटेको समय ।
मध्यरातमा निदरीलाई पठाएर
म चुम्दछु तिम्रो सम्झना सिरानीमा
म चुम्दछु निधारमा, आँखामा………
म चुम्दछु मेरो दिलमा बसेको तिम्रो तस्बिरलाई
र चुम्दछु मेरो छातिमा निदाएर सुतेको मेरो मायालाई…।
मंगलटार–२, खोटाङ
हाल: श्री शारदा मा.वि. खार्पा-४, खोटाङ
akelayatri37@gmail.com
(स्रोत : रचनाकारको फेसबुकबाट सभार)
