व्यङ्ग्य कविता : हजूरैहजूर

~निर्मोही व्यास~Nirmohi Vyas

आँखा खोल्दा पनि हजूर, चिम्लिराख्ता पनि हजूर !
जैले पनि जता पनि झलझली हजूरैहजूर !
सपनीमा सँगै हजूर, बिपनीमा सधैं हजूर !
सम्झनाको देउरालीमा रातोदिन हजूरैहजूर !

अचम्मै पो हुँदो रैछ पिरतीको टुना हजूर !
औंसीमा नि उदाउने पूर्णिमाको जून हजूर !
भोक-नीद सबै हजुर, उमङ्ग र रहर हजुर !
रोग हजुर, औषधि र बैद्य पनि हजुरैहजुर !

लाग्यो मलाई हजुरको यति मीठो मात हजुर !
तर पनि किन होला नजुरेको साथ हजुर ?
सारा धर्ती-आकाशभरि झकमक्क मेरी हजूर !
कलेजीको पाखैभरि ढकमक्क हजूरैहजूर !

(रचनाकाल र स्थान : २०५५ फागुन, कलैया)

(स्रोत : रचनाकारको फेसबुकबाट सभार)

  •  
  •  
  •  
  •  
  •  
  •  
  •  
  •  
  •  
  •  
  •  
This entry was posted in कविता, हास्य - व्यङ्ग्य and tagged , . Bookmark the permalink.

Leave a Reply

Your email address will not be published. Required fields are marked *