डा. जुजु राज श्रेष्ठका सत्र हाइकुहरु

~डा. जुजु राज श्रेष्ठ~dr-juju-raj-shrestha

इमान्दार त्यो
केराउ छोडाउदा
खान्न एउटै

भारी भो छाती
आफ्नै भए नि मन
सुन्दैन मेरो

पराई भयो
आफ्नै मेरै यो मन
तिमी भेटेर

सुध्रेन अझै
छाडेन बदमासी
नेता बन्ने भो

किन डरा’को
पराकम्पन पो त
हो र भूकम्प ?

म चै तिम्रोमा
तिमी मेरो ठाउँमा
आँट्ने हो प्रभु

अहिले घडी
उहिले हस्ताक्षर
चोर्ने आदत

घडी चोरे नि
हस्ताक्षर चोरे नि
चोरै त हो नि

सानै देखिको
बानी पो रै’छ चोर्ने
जान्न सजिलै

कहिले छुट्ने
बिचरा सांसदको
चोर्ने आदत

उस्तै छ बानी
सांसद भएर नि
सुध्रेन चोर

बढेको भत्ता
सांसदहरू लाई
पच्छ कसरी?

तान्दा तान्दै यो
कम जिन्दगी संगै
चूरोट बिडीं

नाकको टप
झरेर नाईटो मा
फेसन रै’छ

ढुंगा बोल्ला रे
बोल्दिन रे म कै’ले
गुनासो मात्रै

कहि नहुने
जात्रा संसदमा
हेर्न के जानु?

पारेर गई
उथलपुथल नै
मेरो जिन्दगी

(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )

  •  
  •  
  •  
  •  
  •  
  •  
  •  
  •  
  •  
  •  
  •  
This entry was posted in हाइकु and tagged . Bookmark the permalink.

Leave a Reply

Your email address will not be published. Required fields are marked *