बाल गीत : के के खान हुन्न

~क्षेत्र प्रताप अधिकारी~Chetra Pratap Adhikari

सुन सुन नानीहरू
खानेकुरा सुन
के के खानुहुन्छ अब
के के खान हुन्न ।

दुःख खान हुन्छ बाबा
हरेस खान हुन्न
दुःख सुख जे परेनि
चरेस खान हुन्न ।

मीठो पीठो जे खाए पनि
सफा खाना खाऊ ।
च्यातिएको लाए पनि
सफा नाना लाऊ ।

फोहोर पानी मिसिएको
जुस खान हुन्न ।
भोकै मर्न परे पनि
घूस खान हुन्न ।

टाढा टाढा जाऊ तिमी
मीठो मीठो खाऊ
जाँ गएनि फर्किएर
नेपालमा आऊ ।

(स्रोत : मुना मासिकबाट सभार )

This entry was posted in बाल गीत and tagged , , , . Bookmark the permalink.

Leave a Reply

Your email address will not be published. Required fields are marked *