बाल कविता : गुजी पाएँ !

~बूँद राना~Boond Rana

अँधेरीमा गुजी हुन्छ भन्नुहुन्थ्यो बज्यैले
के हो गुजी ? कस्तो हुन्छ ? नदेखेको मैले

आज फेरि भन्नु भयो सम्झाउँदै राती
‘आँटीमाथि गुजी छ त्यहाँ नजानू है नाति !’

गुजी हेर्ने रहर थियो नदेखेको कैल्यै
एक टुक्रा दियालोको झोसें आगो मैले

चुपचाप चोर-चाल आँटीमाथि पुगें
सोलीभरि सेल देखी बल्ल कुरा बुझें

यौटा सेल टिपी दौडी बज्यैछेउ आएँ
हाँस्तै भनें- ‘इ बज्यै ! मैले गुजी पाएँ !’

(स्रोत : केटाकेटीअनलाईन डट कम)

This entry was posted in बाल कविता and tagged , , , . Bookmark the permalink.

Leave a Reply

Your email address will not be published. Required fields are marked *