गीत : सँगै जीवन जिऊँ भन्थेँ

~बासुदेव बुढाथोकी ‘सागर’~ Basudev Budhathoki 'Sagar'

सँगै जीवन जिऊँ भन्थेँ पाटा हाम्रा अलग भए;
दोबाटोमा पुगेपछि बाटा हाम्रा अलग भए!

जुवा रै’छ जिन्दगानी सधैँ तिम्रो दाउ लाग्यो;
छातीभित्र मुटु हुन्छ,त्यहीँनेर घाउ लाग्यो।

घाउ यौटै भएर नि खाटा हाम्रा अलग भए;
दोबाटोमा पुगेपछि बाटा हाम्रा अलग भए!

फेरि कस्तो चाल चलूँला भन्ठानेर धायौ तिमी?
लुट्न बाँकी के रह्यो र फर्कीफर्की आयौ तिमी??

बाँकी जीवन बुन्नेतुन्ने काँटा हाम्रा अलग भए;
दोबाटोमा पुगेपछि बाटा हाम्रा अलग भए!

सँगै जीवन जिऊँ भन्थेँ पाटा हाम्रा अलग भए;
दोबाटोमा पुगेपछि बाटा हाम्रा अलग भए!

– फस्कू,दोलखा ।

(स्रोत : रचनाकारको फेसबुकबाट सभार)

This entry was posted in नेपाली गीत and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.