नेवारी कविता : सी मास्ति मव:नि

~नारायणदेवी श्रेष्ठ~narayandevi-shrestha

सुन्दर जगया सुन्दर सुख नं,
मगा:नि याय् भोग,
मामाता लोभ व प्रेमं आ: नं
त्वा:तुगु मखुनि जित:,
शक्ती व साहस अभिलाषा नं
तंगु मदुनि भ्या हे
अमूल्य सुन्दर जीवन जिगु थौं
फूगु मखुनि कारे,
उकिं जि ला थौं पासा, धात्थें सीमास्ति मव:नि !

भव सागर थें न्ह्याना च्वंगु
थुगु जीवनयात
भविष्य-आशाय् जक थौं सित्तिं
छ्वय् मास्ति मव:नि,
स्नेही मांया सुमधुर माया-
मामाताया शय्याय्
ग्वारा तुल्यगु सुख भोग जित:
मगा:नि गा हे नं
उकिं जि ला थौं पासा, धात्थें सीमास्ति मव:नि !

मचा जि मांया धाय्का ज्वीगु
जिव: बिल स्‍मृति वं
थ:गु सुकोमल मुलय् तइगु वं
बीत सुखानन्द,
जित: स्यना च्वन तिनि वं आ: नं
वय्गु व वन्य च्वन्यगु
सुन्दर जगतय् ह्वय्का क्यन्यत
नस्वाक जिगु पुष्प ।
उकिं जि ला थौं पासा, धात्थें सीमास्ति मव:नि !

– ‘नेपाल’

(स्रोत : नारायणदेवी श्रेष्ठको नेपाल भाषाको कविता सङ्ग्रह ‘मुकुस्वाँ’ बाट सभार)

This entry was posted in नेवारी कविता and tagged , , , . Bookmark the permalink.

Leave a Reply

Your email address will not be published. Required fields are marked *