देउडा गीत : यै साल

~मान बहादुर के.शी. ‘देउडाप्रेमी’~Muskan Bahadur KC 'Deudapremi'

स्वास्नि– खेतिपाती अद्या दिऊकि आँफै लाउन्या हौ कि ?
यै साल बिजया दशै घर आउन्या हौ कि ??

लोग्ने– खेतिपाती अद्या दिहाल आँफै लवाइ छैन
यै साल दशै का बेला घरमा अवाई छैन

स्वास्नि– मंगलसैन दरबार झ्यालमा घाम पर्यो
दशैमा घर नआउन्या त्यस्तो क्या काम पर्यो ?

लोग्ने– नौकरी मा छुट्टी माग्दा सेट छुट्टी नदिन्या
याई बसेर गाऊघर सम्झि टन्न रक्सि पिन्या

स्वास्नि– भनु हजुर दु:ख मान्या नभनि नहुन्या
तमि त्या जाड रक्सि पिन्या म या सम्झि रुन्या ?

लोग्ने– या दु:ख धेरै छन मलाई तु त्या क्या राऊदि होई
साच्चि माया मान्या भया सपना आऊदि होई ??

स्वास्नि– म कति सम्झन्छौ यता हजुर क्या राऊना हौ ?
तुम्रा सपना अरु आऊनि मु काहाई आऊना हौ ??

लोग्ने– यै दशै यतिकै भईग अर्का दशै आउँला
साची राखेई माया प्रेम दुई मिलेर खाऊला …….

मान बहादुर के.सि. ‘मुस्कान देऊडाप्रेमी’
सँगमटोल टिकापुर ७ कैलाली
हाल- फुजैराह यू.ए.ई

(स्रोत : HamroBaitadi Blog)

  •  
  •  
  •  
  •  
  •  
  •  
  •  
  •  
  •  
  •  
  •  
This entry was posted in देउडा गीत and tagged . Bookmark the permalink.

Leave a Reply

Your email address will not be published. Required fields are marked *