नेवारी कविता : थ्व खःजिगु देश

~सौरभ शाक्य~Saurab Shakya

म्हगस, म्हगसया फैन्टेसिइ थनया नेता,थनया जनता
थःत गुलि हाकुतिनाबिइ सुयांगु बोलिइ, सुयांगु धापय्
सुयांगु भरे कि-थम्हं सार्बभौम त्वफ्यूगु चाइमखु
मात्र ल्यनाच्वनि वाउँ भटूया लिसा लिसा काःगु खँग्वः
ल्युनय् त्वताःधकि बिम्बः,शिल्प,क्वँय् मदुगु मेया अलंकार
जि छु कथं च्वये कबिता कि-देशं सास्ना फयाच्वंगु भुपरिबिस्तया चोट
जब कि न्हिया न्हिँ
त्वता वनाच्वन आस्था ,बिचाः सोचं
मात्र सुयांगु भरय्
सुयांगु आसय्
सुयांगु सःलय् सःदेतनेगु बाहेक कि
झ्याजःगु राष्टबादय् पेपुनेगु सिबाय्
देशय् सुनां छु यायेफु !
माकचां तेपःगयेगु दुस्साहसया खँग्वः ल्होय् सिबाय् !
थ्व खःजिखु देश
याउँक सहज जु वनाच्वन हाकु बजाः
अपुका भ्रस्तताय् हिलावंगु सोच
गन खण्डहरय् आम मानसिकता
पराधिन हे स्वतन्त्रता !
थ्व लु थौँया यथार्थ
थ्व खः जिगु देश
मतापं झुमिँ यनाच्वन जिगु नेपाः ।

(स्रोत : रचनाकारको फेसबुकबाट सभार)

This entry was posted in नेवारी कविता and tagged , , , . Bookmark the permalink.

Leave a Reply

Your email address will not be published. Required fields are marked *