बाल गीत : लेकका हामी केटाकेटी

~रामेश श्रेष्ठ~Ramesh Shrestha

लेकका हामी केटाकेटी
कुईरो भित्र स्कुल छ
चौँरीलाई चराउँदै दिन बित्छ
पढ्नु र लेख्नु मुस्किल छ

हिउँमा कोरेको अक्षर त
एकछिनमा बिलाई जाईजान्छ
दिनभरी हेर्नुछ गाईबस्तु
नहेरे भालुले खाईजान्छ

नागीमा उडेको धुवाँ त
बाकलो वनमा जाईजान्छ
बादलको अक्षर आकाशमा
देखेर यो मन तर्सन्छ

कलमले लेख्ने मन थियो
हिउँले पो औँला खाईदियो
कुईरोमा लुकेको स्कुलले
टाढै बसेर बोलायो

स्वर : वि.स. २०३७-२०३८मा स्वर्णिम स्कुलका विद्यार्थीहरु : अँजु, टेम्डो, चेतना मानन्धर, सोनिका, सुमित्रा, रुसिला चित्रकार
शब्द /संगीत : रामेश श्रेष्ठ

About Sahitya - sangrahalaya

We will try to publish as much literary work of different authors collected from different sources. All of these work is not used for our profit . All the creative work belongs to their respective authors and publication. If requested by the user we will promptly remove the article from the website.

This entry was posted in बाल गीत and tagged , , , , , . Bookmark the permalink.

Leave a Reply

Your email address will not be published. Required fields are marked *