लघुकथा : खडे संसद

~अच्युरमन अधिकारी ~

खडे सांसद झगडे सांसद निकै नै बहादुर हुँ भन्दछ ऊ । उसलाई त न आश नत्रास । यसभन्दा अघि पनि उसलाई मन्त्रीपदमा लान कसैले मानेन । खुबी छैन त्यस व्यक्तिको, त्यति मात्र होइन सोमत पनि छैन । त्यसकारण ऊ जनप्रिय छैन तर पनि पहिल्यैदेखि त्यो त्यता, उता र उताबाट धेरैको सेवा गर्दै आएको मानिस हुँदा यसपटकको सुरिलो संसदमा त्यो पनि मनोनित भएथ्यो क्या ! धेरै हत्ते गरेर, साह्रै अत्तो थापेर काले शाहका कलवारहरूलाई खुशी पारी-पारी खाएकै थियो । अहिले मूर्च्छा पारिएको संसद फेरि बौरिएपछि त खडे संसदको दिन पो भएछ गाँठे ! अब त खडे पनि तगडे नै भयो नि होइन र !

अस्ति झँिगेटाएको झिक्रे पनि अएर के के भन्दै कराउन थाले छ । त्यहाँ पहिले खडे सांसद थिएन । यसले सम्झाउँदा झिक्रेले पटक्कै टेरेन । उल्टै सांसदहरूलाई गाली गर्दै तथानाम बोल्न थालेछ । त्यसैबेला खडे सांसद आयो, उसले उसको सातो खायो । त्यस व्यवहारले मात्र होइन पछि यस्तै गरी फुर्ती देखाउँछौ भने जेलमा पनि जानुपर्ला होस । गर ! भन्ने धम्कीसमेत थाहा पाएपछि झिक्रे चुपचाप भयो । उसले दिएको सल्लाह र निर्देशन अनुसार काम सबै सम्पन्न गर्यो, गयो पनि । त्यसपछि त झिक्रे कार्की निकै भक्त भएर खडे सांसदका पछि-पछि लाग्न पो थाल्यो । वास्तवमा सांसदका नाताले धाक धक्कु होइन मानवीय सेवा गर्ने खडे कडा सांसद हो ।

खडे सांसद शक्तिमा नगए पनि भक्ति र अनुरक्तिमा, र्फमभार सेवामा त निकै प्रबल मानिस हो । ऊ सफा हृदयको थियो नै । खडेको यस्तो व्यवहारले त्यहाँ धेरैले डाह पनि पो गरेका थिए त गाँठे । डाडेहरूको भाँडे चरित्र र त्यो व्यवहार अर्कै हुन्छ । उनीहरूले अर्कै रोल खेलेर के के गर्दै गए । आजको आँखामा नबिझाउने र शीतल बनिसकेको खडे सांसद एक दिन अचानक दुर्घटनामा पर्यो र पर्यो पनि । तर तरिकासँग मोटर फालेर कार्यसिद्ध गर्ने ड्राइभर जोगियो र भाग्यो पनि । खडे गाडी खसी खोलामा पर्यो मर्यो तर त्यस घटनाले धेरैको रहस्य भेदन पनि गर्यो । अब त्यस घटनापछि त खडे सांसद भनेको संसद प्रमुख प्रबल व्यक्ति पो भयो त गाँठे !

(श्रोत:- अन्तर्जाल अर्थात internet)

About Sahitya - sangrahalaya

We will try to publish as much literary work of different authors collected from different sources. All of these work is not used for our profit . All the creative work belongs to their respective authors and publication. If requested by the user we will promptly remove the article from the website.
This entry was posted in लघुकथा and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.