सुनुवार भाषी कविता : हुँग्रो हेम्सलो

~डा.लाल श्याँकारेलु रापचा~Dr Lal Shyaankarelu Rapchaa

सइनेस मोइतिन …
कला, रोँप नु नारनेपिकीम्
ओँत्थ किराँत देँशा
नउरान पशोमेरे
आँइ जिकीपुरखीके खप कोँइचवान
मुलाति ‘सुनकोशी’ के हुँग्रो दुम्शोमेरे
नेल्लेन गो कोँइचपुकी हुँग्रो दुम्तकः ।

गिममि द निअ्सी खोइल थेनथेन
बाअ्त हनाइयो
गिममि गिवत मबाःशोपत्के
कोँइचमिन कोँइचन मनङ देँशोपत्के
गो कोँइचपुकी बुख्याँचा खोइ हुँग्रो दुम्तकः ।

गो नङ देँब कोँइचपुकीमिन्
सुरुपके खोइल गुप्शोमेरे
कोँइचपुकी तुप्तिल मइसामः
दुम्नादुम तुप्तिलला
जइमसीमि फाँइसामः
कोँइच देँशो द अलाप लोःला मे
देँतिक कोँइचवान कोठदिमके
होपो नङ देँश्या रम्बले जात्रामि
दिउ दिउ प्लेब कोँइचपुकी कोँइचला
तुप्तिल नु जइमसीमि फाँइसिशोमेरे
गो कोँइचपुकी हुँग्रो दुम्तकः ।

कोङेन कद होइ कोँइचवान खपके
तमी तउ कोँइचपुकी
गोइपिकीम इप्शोबुद पशोमेरे
गो कोँइचपुकी हुँग्रो दुम्तकः ।

October 22nd, 2011
ठेचो–८, यलाखोम
७ बुरोच ‘असोज’ २०६८ सुकनाःत (२४ बुरोच ‘सेप्टेम्बर’ २०११)

(स्रोत : Sunuwar.org )

This entry was posted in सुनुवार कविता and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.