~राज आशातीत~
जम्मा जिन्दगी यत्ती त रहेछ!
ताता स्वासहरुको स्पर्श,
तिघ्राका कापमा बांचेको स्वार्थ,
तिम्रो खुशी
मेरो बोझ हुनेछ …
मेरो रहर
तिम्रो कुण्ठा हुनेछ ….
यो सहर,
तिम्रो पेवा हुन पनि सक्छ
मेरो बपौती नि हुन सक्छ!!
बाउ र मेरो विचमा
भएका असमानता पनि
उस्तै गरि असमान छन्
जसरी गुलाब र कानेको विचमा
असरल्ल मतभेदहरु ….
मासु जोख्दै गरेको कसाहीको कांटा झैं!
अनि … स्वप्निल भ्रमको मुहारमा
पोतिएको इन्द्रेणी झैं!
भो! के भनौं म …
निर्देशीत मगजले
मुटु खान्छ
कलेजो खान्छ
संगै
फोक्सो अनि मृगौला खान्छ!
मलाइ जिवनमा …
जिवनको पालम गाउनु छ!
मलाइ जिवनमा … पुरै फगुवा खेल्नुछ!
अनि उंधौली उंभौली संगै
सोइ सोइ गर्नु छ!
ए …. ज्यानमाया …
तिम्री सौता
सौता जस्ती भइनन् भने पनि
चल्छ नि है तिम्रो!!?!!??
राज आशातीत
इटहरी, सुनसरी।
मङ्सिर ७३।
