गीत : नखाएको बिष

~शशीकला थापा सुब्बा~Shashi Thapa Subba

गल्ती मेरो हुदैहोइन तर किन दोष लाग्यो
मनबुझाउने के ले हजुर नखाएको बिष लाग्यो

बिस्वासको घरभत्क्यो बालुवाको महलसरी
मैले चिन्न नसकेको शत्रु रैछन वरिपरी
त्यतिमिठो सम्बन्धमा कुन पापीको रिस लाग्यो
मनबुझाउने के ले हजुर नखाएको बिष लाग्यो

आरिसगर्ने मान्छेहरु आफ्नै रिसले मर्छ भन्थे
जुन औलामा बिषलाग्यो त्यहिँ औला झर्छ भन्थे
बाटो हिड्दा आजसम्म नलागेको ठेस लाग्यो
मनबुझाउने के ले हजुर नखाएको बिष लाग्यो

हाल : लण्डन

(स्रोत : रचनाकारको फेसबुकबाट सभार)

विधा : नेपाली गीत | , , , . यस रचनालाई बूकमार्क गर्नुहोस् ।
Type Comments in Nepali (Press Ctrl+g to write in English and back to Nepali OR just Click on the letter)